THLACAMNAK NIH PATHIAN THINLUNG A THLEN

1. David

David cu ralkap bu hna kha ram chung minung milurel awkah a fial hna. Cu tikah pathian cu a thinhung i Israel mi cu ka that dih hna lai a ti. 

David minung a simi Gad sinah Pathian nih bia a chim. Cu bia cu, David nih thil pathum a thim ding a si i, Kumthum chung mangtam maw? Asiloah ral nih thlathum chung hrawh maw?, asiloah ram chungah rai tlunter maw? a si. Cu tikah Bawipa nih Jeruslem kha hrawh awk ah vancungmi a thlah. Cu tikah David nih khua a hun zoh i van le vawlei kar ah Bawipa vancungmi a dir kha a hmuh. A kut in vainam phawi cia aa put i Jeruslem lei kha a sawh. Khi tikah David le upa hna cu buri an i aih i vawlei ah an bawk i Pathian sinah lungtak tein ngaithiam an hal. David nih “hi thil hi a tlun hmanh ah keimah sin ah tlung ko seh keimah ruangah a si” a ti. Cu tikah Bawipa nih David thlacamnak cu a theihpiak i a ngaihthiam. Vancungmi kha nawl a pek i nam cu a kawngah a sawh than (1 Chanrelnak 21:1-27).

2. Moses

Israel miphun Canaan ram an kal lioah nikhat cu Moses kha tlang cungah a kai i cu ka hmun ah saupi a um caah Isarael mi nih Iaron kha a kan hruaitu dingah pathian kan serpiak tuah an ti. Cuti cun Iaron nih an far, an nupi, an fa le sin in an itonhmi sui tumbul khan cawfa a serpiak hna. Mah kha nan Pathian cu a si a ti hna i a biakter hna. Cu kong cu Pathian nih a theih tikah a thin a hung tuk i Moses kha a chawn i “hi mi hna hi lungkhawng an si. Ka thinhunnak alh in a alhmi in ka hrawh hna lai” a ti. Cu tikah Moses nih thinlung tak tein a nawl i “A alh in a alhmi na thinhunnak cu i sum ko law na lung thleng law hi rawhnak cu nami hna cungah cun tlunter sawh hlah” a ti. Cu tikah Bawipa cu a lung aa thleng i ka thlunter lai a timi thil thalo kha Israel mi cungah cun a tlunter than lo (Exo 32:10-14).

3. Hezekiah Siangpahrang

Amah cu thi dengmang in a zawt lioah khan Amoz fapa profet Isaiah kha a sinah a ra i “Hi bangin Bawipa nih a ti. Na chungkhar kha a ningcang tein chia tuah; zeicahtiah na thi ko lai. Na dam than lai lo” tiah a ti. Cu tikah Hezekiah nih vampang leiah aa mer i Bawipa sinah lungtak tein thla a cam. Cu tikah Pathian nih “na thlacamnak kha ka theih i na mitthli kha ka hmuh. Zohhmanh kan damter lai” a ti. Cu lengah a nunnak kha kum hleinga kan chap (2 Singpahrang 20:1-6).

4. Jonah

Amittai fapa Jonah cu Pathian nih Nineveh khualipi ah kal in ralrinnak bia chim a fial. Aruang cu an thatlonak kha a tamtuk caah a si.  Sihmanhsehlaw Jonah cu Tarshish khua lei tu ah a kal.  Bawipa nih a theih i a citmi lawng kha thlichia a hranter cimman i rili tilet cu a a thohter. cu tikah zeiruangah dah a si hnga tiah lawngcawngtu pawl nih camcawk fung an tuah i John cungah a tla.  Cu ruangah Jonah cu rili chungah ah hlawt. Cu tikah Jonah cu ngapi nih a dolh. Jonah nih ngapi paw chung cun lungthin tak tein thla a cam i Pathian kha ngaihthiam a hal (2:1-10). Bawipa nih a thlacamnak cu a theihpiak i ngapi cu bia a chim i  Jonah cu tikam ah a luak than.

Bawipa nih aa thawh i, “Ka mi hna thlacamnak kha leh awkah timh cia tein ka rak um ko, Sihmanhsehlaw thla an cam lo. Ka hmu hna seh, tiah timh cia tein ka rak um ko, sihmanhsehlaw a kawl timh in an ka tim lo. An thlacamnak leh i, Hika ah ka umko, kan bawmh hna lai ti in ti awkah timh cia tein ka um ko sihmanhsehlaw ka miphun nih ka sinah thla ancam lo (Isaiah 65:1).